ეს ჰამაკების ყველაზე გავრცელებული კატეგორიაა. არჩევანიც საკმაოდ დიდი და ნაირფერია, ამიტომ უნდა ვიცოდეთ უხარისხო და ხარისხიანი ჰამაკების გარჩევა.

სალაშქრო ჰამაკები გვხვდება მსუბუქი და საშუალო წონისაც, რაც ადვილია სიარულისას თან სატარებლად. არის ერთ და ორ კაციანი ვარიანტებიც, იკეცება კომპაქტურად და იკავებს პატარა ადგილს.

საექსპედიციო ჰამაკი ფუნქციურადაც და ყველა სხვა მახასიათებლითაც არის იგივე სალაშქრო ჰამაკი. განსხვავდება მხოლოდ წონით, გამძლეობით და კომფორტით.

საექსპედიციო ჰამაკები გათვლილია უფრო მეტ დატვირთვაზე და გამოყენებულია უფრო გამძლე მასალები. ზოგიერთ შემთხვევაში იწონის შედარებით მეტს, რადგან დამატებული აქვს ბევრი დეტალი, თოკები, სამაგრები. დიზაინი გათვლილია მეტ კომფორტზე.

ნაჭრის, თოკით ნაქსოვი და ორ ხის ძელს შორის მოწნული ჰამაკები არ განიხილება თან სატარებელ ვარიანტად. არაკომფორტულია, მძიმეა და იკავებს დიდ ადგილს.

ასეთი ჰამაკი შეგიძლიათ იყიდოთ აგარაკისთვის, ეზოში ან ვერანდაზე დასაკიდად.

ჰამაკები გვხვდება ერთკაციანი (Single) და ორკაციანი (Double). ორკაციანი ჰამაკები არის გათვლილი მეტ წონაზე და არის უფრო განიერი.

საექსპედიციო ჰამაკები იწონიან მეტს, რადგან უმეტესად მათ მოყვება საწვიმარი ფენა, დამატებითი თოკები და სხვა ატრიბუტები. ასევე წონას განაპირობებს მასალები, რისგანაც დამზადებულია ჰამაკი.

• პოლიესტერი
  

  პოლიესტერი გამოირჩევა გამძლეობით. ასევე, ნეილონისგან განსხვავებით, არ იწელება და კარგად უძლებს სისველეს.

• ნეილონი
  

  ნეილონი არის მსუბუქი, მაგრამ პოლიესტერთან შედარებით ნაკლებად გამძლეა. ნეილონის ახასიათებს დასველებისას გაჟღინთვა და განიცდის დეფორმაციას (იწელება).

კარვების მსგავსად, ჰამაკის მატერიასაც აფასებენ დენირის (D) ერთეულებით. მაგალითად Therm-a-Rest-ის Slacker ჰამაკი არის 20D პოლიესტერი. რაც უფრო დიდია ეს რიცხვი, მით უფრო გამძლე და მძიმეა მასალა.

1. 
2. 

1. დანაყოფებიანი

   საკიდებს ყულფით ვამაგრებთ ხეზე. თოკების სიგრძეს განვსაზღვრავთ ჰამაკის კარაბინით დამაგრების დროს, თოკზე არსებული დანაყოფებით.

2. რეგულირებადი

   ასევე ყულფით ვამაგრებთ ხეზე. ვაბამთ ჰამაკს კარაბინებით და უკვე ამის შემდეგ ვარეგულირებთ თოკებს ჩვენთვის სასურველ ზომაზე.

1. მწერების ბადე

   გიცავთ მწერებისგან და ხოჭოებისგან. გამოსადეგია ღამისთევისთვის. ასევე მდინარესთან ან ტბასთან ახლოს, სადაც ბევრი მწერია.

2. ჰამაკის საწვიმარი

   ღამისთევისთვის აუცილებელი ატრიბუტი. დაგიცავთ წვიმისგან ისევე, როგორც კარავი.

3. ქვესაგები ტომარა

   ჰამაკის ქვეშ ჰაერი ქარის გარეშეც მოძრაობს, ამიტომ ღამით ტემპერატურის შესანარჩუნებლად აუცილებელია ქვესაგები საბანი.

1. 
2. 
3.